بسم الله الرحمن الرحيم
لابد وانك تعرف لغة السى شارب #C
C# Programming
وتعرف اهميتها فى هذا الوقت الحاضر
والذى يتعمق فى البرمجه يعرف ان المستقبل لــ #C
خصوصا ان شركة مايكروسوفت صاحبة هذه اللغه
فى طريقها الى البرامج مفتوحة المصدر
وهذا سيجعل هذه اللغه تتصدر القائمه
لذلك اضع بين ايديكم اليوم اهم المصادر التى تساعدك على تعلم واحتراف لغة #C
وقد راعيت جميع الناس فى هذه المصادر لذلك ستجد مصادر عربيه واخرى اجنبيه وكذلك مجموعه من الكتب العربيه والاجنبيه
التى تساعدك على الاحتراف فى هذه اللغه بإذن الله تعالى
نبدأ
اذكر الله اولا
صلى على خير خلق الله ( صلى الله عليه وسلم )
اولا
لو انت مبتدأ يبقى تسمع الراجل المحترم ده
من افضل الناس فى الوطن العربى اللى شرحت هذه اللغه
ثانيا لو انت بقى بتحب تسمع اكتر من مصدرفى وقت واحد وتجمع معلومات اكتر
عن كل درس يبقى تعال اسمع Dev:Ahmed Hussein
كدا بقى انت بقيت عارف اللغه وبكل اساسياتها
يبقى لازم بقى تشوف امثله جميله وتساعدك على فهم اللغه
علشان كدا الكورس ده من افضل الكورسات فى شرح وفهم اللغه
للدكتور عادل صبور
من افضل الناس اللى بحب اسمعله اى حاجه
كورس هيخليك فاهم اللغه فهما صحيحا
وبيشرح امثله كتيره ومتطوره جدا
طيب فى حاجه مهمه
بالنسبه للناس اللى بتحب تسمع كورسات احنبيه
وانا عارف ان الاجانب بيعملوا شغل جامد واحنا كمان بنعمل
المهم ده كورس اجنبى من افضل الكورسات على الساحه الاجنبيه
الكورس مكون من 200 درس على جزئين
طيب انت كدا بقى تمام
ودلوقتى بقيت محترف جدا فى اللغه
يبقى لازم تشوف اللغه بتتعامل مع ايه تانى
يعنى لازم تعرف ان فى حاجه اسمها قواعد بيانات
ودى من اهم الحاجات اللى لازم تتعلمها
علشان كدا وفرتلك اكتر من مصدر تتعلم منه
ده كورس كامل علشان تتعلم ازاى تعمل مشروع ادارة مبيعات كامل
تقدر بقى تعمل زيه لاكتر من هدف مثلا تعمله لصيدليه او مخزن
او سوبر ماركت او شركه معينه او محلات
المهم ان الكورس ده هيفيدك جدا
طيب وا حد بقى عايز مصدر تانى
طيب بالنسبه للناس بقى اللى بتقول فين الاجنبى
كدا لو انت خلصت الحاجات دى انت دلوقتى المفروض عليك
هتروح تقدم فى مايكروسوفت وتشتغل معاهم
طيب بالنسبه بقى للعمالقه
الناس اللى بتحب تتعلم من الكتب وتقرأ وتفهم اكتر ومش بتحب تسمع فيديوهات كتيره
يبقى لازم نوفرلهم مجموعه من افضل الكتب العربيه والاجنبيه
طيب نبدأ بالعربى
كتاب مكون من جزئين اسمه
"سبيلك المختصر فى لغة السى شارب "
للاستاذ خالد السعدانى
وكمان ده كتاب تانى جميل جدا اسمه
"الابحار فى لغة السى شارب "
طيب بقى لو عايز كتب فيها امثله كتيره وبتشرح امثله وتطبيقات
يبقى تدخل هنا وتختار
طيب عايزين بقى اجنبى
والكتب الاجنبيه طبعا روعه بصراحه جدا
يبقى انا هديلك كتابين من افضل الكتب الاجنبيه
بل هم بالفعل افضل الكتب الاجنبيه
الاول اسمه
C 4.0 Unleashed
الثانى اسمه
C# 5.0 in a Nutshell, 5th Edition
كدا يامعلم احنا خلصنا كل المصادر
اللى تخليك محترف فى السى شارب
لو شايف نفسك استفدت يبقى لازم تشارك الموضوع علشان غيرك يستفاد
لاتنسونا من صالح دعائكم
